ملتقى الشباب و الصبايا

أهلاً بك عزيزي الزائر في ملتقى الشباب والصبايا
إن لم يكن لديك حساب بعد نتشرف بدعوتك لإنشائه مجاناً من خلال الضغط على زر " التسجيل "
أما إذا كنت عضواً في الملتقى ما عليك سوى القيام بتسجيل الدخول .

يجمع الشباب والصبايا ، ويتناول أفكارهم وقضاياهم ويطرح همومهم ، يهدف إلى الحوار البنّاء والنقاش الهادف بين الشباب والصبايا / ومنوّع

بدنا نكمّل المشوار      سوريين صغار كبار
نحنا وقائدنا بشار   وخلّي العالم كلو يغار

    الثقافة الجنسية...........

    شاطر

    تصويت

    هل انت مع التربية الجنسية السليمة منذ الطفولة وبداية البلوغ؟

    [ 12 ]
    86% [86%] 
    [ 1 ]
    7% [7%] 
    [ 1 ]
    7% [7%] 

    مجموع عدد الأصوات: 14
    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 5264
    العمر : 37
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    الثقافة الجنسية...........

    مُساهمة من طرف القاشوش manhl في الخميس 06 أغسطس 2009, 10:22 pm

    حين يعتقد طفل بأن نوم أمه الى جانب أبيه كاف لانجاب طفل أو حين تعتقد طفلة بأن القبلة هى السبب وراء ولادة طفل أو حين يجهل مراهق أو مراهقة من أى عضو فى الجسد يولد الاطفال تتحول العلاقة الحميمة الى سر يسعى الابناء الى اكتشافه فيقعون فى خطأ الفهم لا سيما حين يستقون معلوماتهم من مصادر غير مسئولة تقدم لهم مغالطات لا حصر لها .

    " لابد أن نقر أولاً ان هذه العملية هى عملية طبيعية يحتاجها الانسان كحاجته الى الهواء والطعام وهى عملية مهمة يحتاجها الانسان كحاجته الى الهواء والطعام وهى عملية مهمة جدا ولا يمكن ان يتخلى عنها الانسان بأى شكل من الاشكال " وهى كيف نربى الناشئة على اصوله وآدابه كى تتعزز العلاقة الزوجية . ما الذى جعل موضوع الجنس من الممنوعات أو المحرمات ؟ "

    هناك الكثير من الممارسات الخاطئة التى نتجنب من غياب الثقافة الجنسية بين الزوجين . وبالنسبة الى جيل الشباب فهم معرضون لكثير من الامراض الاجتماعية نتيجة الجهل بالجنس وآدابه وأصوله وأخطرها البحث عن الاخر فى ظل انعدام المتعة مع الشريك الشرعى ومن هنا تلجأ الزوجة أو الزوج فى بعض الحالات الى الخيانة .

    ان نسبة الطلاق مرتفعة فى مجتمعنا لكثير من الاسباب منها غير المعلن وهو الجانب الجنسى بمعنى أن المرأة لا تستطيع أن تحمل علاقة غير متوازنة جنسيا فتطلب الطلاق من غير أن تعلن عن دوافعها الحقيقية . ان الجهل الجنسى يحفز الفرد للحصول على المعرفة من مصادر خفية أو فى الأفلام الاباحية وتكون النتيجة الحصول على المعلومات الخاطئة والوقوع فى التجريب أو الخبرات التى تؤدى الى الشعور بالاشمئزاز أو الاحساس بالاثم والخطيئة والخوف والقلق والاستغراق فى أحلام اليقظة والانحراف الجنسى والاضطراب النفسى أن أهداف التربية الجنسية يجب أن تشمل تزويد الفرد بالمعلومات الصحيحة اللازمة عن ماهية النشاط الجنسى وتعليمه الالفاظ المتصلة بأعضاء التناسل والسلوك الجنسى واكسابه التعاليم الدينية والمعايير الاجتماعية والقيم الاخلاقية الخاصة بالسلوك الجنسى

    ان المعرفة الجنسية تقى الفرد من أخطار التجارب الجنسية غير المسؤولة قبل الزواج والتى يحاول خلالها الشاب أو حتى الفتاة – استكشاف المجهول أو المحظور بدافع



    وانا اريد ان أسالكم اصدقائي

    1-هل لدى الشباب العربي ثقافة جنسية كافية تجعله واعيا لمخاطر العلاقة الجنسية الغير شرعية؟

    2-هل لديهم أدراك لكيفيت التواصل الجنسي السليم عند الزواج (على سنة الله ورسوله)؟

    3- وهل قو قادر كبت الرغبة الجنسية في ظل الجهل الذي يعيشه حول الموضوع ؟

    4- سؤالي الاخير فيما التحفز على هذا الموضوع لدرجة انه اصبح يباع في الاسواق وفي الشوارع؟

    ارجو ان لا أكون ثقيل الظل وان تكون هناك اجابات لا تحفزات اخرى.



    تواضع تكن كالنجم لاح لناظر ......على صفحات الماء وهو رفيع
    avatar
    القيصر
    مشرف
    مشرف

    ذكر
    الدولة : سوريا
    عدد المشاركات : 693
    النقاط : 4311
    العمر : 35
    العمل/الترفيه : عم دور على شغل
    المزاج : حسب الجو
    يشجع فريق : البرازيل

    رد: الثقافة الجنسية...........

    مُساهمة من طرف القيصر في الجمعة 07 أغسطس 2009, 2:07 pm

    منهل شكرا على الموضوع
    انا من وجهة رايي انو اجابة ..لا .. لكافة الاسئلة
    هيي الاجابة الصح
    الثقافة الجنسية في مجتمعنا من الامور الممنوع التحدث بها
    يا اخي ليش بدي اعرف كلشي
    ليش لحتى اعرف هيك شغلات عن طريق التلفزيون او الاصدقاء او الافلام اوالمجلات,,,,,,,وكل هادا بطريقة خاطئة ومفهوم عشوائي
    ليش هالكبت الجنسي عنا هيك
    ليش هالمفهوم عنا انو هالموضوع من الامور العيب التحدث بها
    ليش ببلاد الغرب هادا من اساسيات التربية الصحيحة
    وعنا لا



    avatar
    Nicole
    المشرفة العامّة
    المشرفة العامّة

    انثى
    الدولة : سوريا
    عدد المشاركات : 603
    النقاط : 4211
    العمر : 31
    العمل/الترفيه : PR- Sawab/S.S.D.D
    المزاج : هئ مزاجية هئ
    يشجع فريق : البرازيل

    رد: الثقافة الجنسية...........

    مُساهمة من طرف Nicole في الجمعة 07 أغسطس 2009, 3:47 pm

    أول شي خليني حييك منهل عالموضوع اللي بالفعل لازم بقى نتحرر منو ولو بخطوات زغيرة أو كلمات ممكن تغير النظرة العامة عن شي متل ما قلت عليه انو حاجة متل الهواء أو متل ما اتعرف بالنهاية على انو body need ..... طبعاً كلنا ما مننكر الجهل و اللغط المتاخد عن الموضوع.. سمحولي بكلمة جهل لأن ما في توصيف للشي إلا بهالطريقة عنّا للأسف ما في شي اسمو ثقافة جنسية وولا شي قريب منو, بس في عنّا شي اسمو عيب و خط أحمر و كلمات ممكن الإم بليلة عرس بنتا توشوشا ياهن بحكم انو الشب عم ياخد هي القصص من الأفلام أو من رفقاتو اللي بيتفاخروا بوجود أكبر عدد من المقاطع الأفلام الإباحية على موبايلاتن أو المجلات أو الانترنت أو ما بعرف شو....
    أنا الصراحة عندي ايمان كبير انو بيوم من الأيام رح نتخلص من عقدة "تعا شوف هالشوفة, وطي صوتك, اطفي اطفي" لأن نحنا هالجيل الجديد عنا وعي معقول لهيك أمور و رح نعرف نوصل الفكرة لاولادنا بغير طريقة دعيت ربي يكون عندي ولد حلو و لقيتك تاني نهار عالباب أو جابولي ياك البجعات "ببقجة"
    ... بالنسبة للأسئلة اللي سألتا منهل
    هل لدى الشباب العربي ثقافة جنسية كافية تجعله واعيا لمخاطر العلاقة الجنسية الغير شرعية؟
    لأ أبداً, رح احكي عن سوريا لأن ما بهمني غيرا, لو كان عنا جزء بسيط ما كنّا سمعنا كل فترة عن خولة سواء بحلب أو بأي مكان تاني.. على فكرة الأولاد أكبر واحد فيّن عمرو 15 سنة و انعدمو بصلاح الدين ( أن هيك سمعت, ما بحط شي بذمتي) يعني ما عتب بقى عالشباب بس بشكل عام هي الأمور عم تحصل وين ما كان و رح يصير عنا (اذا ما صار) بطاقات صفرا بتنختم من وزارة الصحة كل شهر للتأكد من الأمراض السارية و المعدية و ال
    STD
    هل لديهم أدراك لكيفيت التواصل الجنسي السليم عند الزواج (على سنة الله ورسوله)؟
    لأ لأن ما حدا يقلن بشكل علمي بحكم المجتمع اللي أضفى صفة العيب فبيضطروا ياخدوه من الأفلام أو بعض المواقع اللي الصراحة تثير الاشمئزاز و القرف و خاصة الخليجية
    وهل قو قادر كبت الرغبة الجنسية في ظل الجهل الذي يعيشه حول الموضوع ؟
    الى حد ما... بحكم نقص المصادر اللي بتخليه يتحرر من الكبت اللي عم يعيشو
    سؤالي الاخير فيما التحفز على هذا الموضوع لدرجة انه اصبح يباع في الاسواق وفي الشوارع؟
    ما فهمت السؤال منيح بس متل ما بقولو كل ممنوع مرغوب, على فكرة مرة رفيقتي جابت سيدي ألعاب لإختا الزغيرة من محل فخم على أساس, قام طلع فيلم إباحي...
    أكيد نحنا مو مع الحرام بس كمان مع انو هالشاب يتوعّى و يتثقف بطريقة علمية مو من فوق الأساطيح وبطريقة فولغير, نحنا مع احترام الخصوصية و ما منقبل ينخدش الحياء بس كمان بقولوا لا حياء في العلم....
    تقبلوا مروري شباب و صبايا و بتمنى ما كون تقلت عليكن أو ادايقتو من أي فكرة... بالنهاية هاد اسمو حوار عام



    أنا لا أؤمن بالظروف.... الناجح في الحياة هو من يسعى للبحث عن الظروف التي يريدها, وإن لم يجدها.....
    يصنعها بنفسه
    Je veux vivre la vie en rose... ouais Edith

    http://www.sawab-ltd.net
    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 5264
    العمر : 37
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    رد: الثقافة الجنسية...........

    مُساهمة من طرف القاشوش manhl في الجمعة 07 أغسطس 2009, 10:29 pm

    مشكور القيصر على المرور واسئلتك صديقي انشالله بيتجاوب عنها قريبا

    ونيكول متل ما قلتي لا حياء في العلم ثم انو الثقافة الجنسية ضرورة متل ثقافة الحوار

    أو متل ثقافة الحب أو ثقافة العمل لان رح يجي يوم تكون من الامور العادية بحياتنا

    ثم انو دائما فيه تحفظ على الموضوع وليش ما بعرف

    طيب الجنس بالنهاية والبداية شيء سنه الله عز وجل (التناسل)وهو يا اصدقائي شيء جميل فلما التحفز عليه وجعله من المحرمات (هل اصبحنا نحرم ما حلل الله؟)

    على ان يكون بالحلال وعلى سنة الله ورسوله وكتير انا سمعت عن امور وفظائع حصلة ليلة الدخلة لكلا الجنسين (الزوج والزوجة )نتيجة الجهل وعدم الوعي لما يفعلونه.

    مشكورين شباب على المرور

    واكيد الي تعليق تاني بس ناطر ردود الشباب والصبايا المثقفين عنا بالملتقى

    واللي هني أكيد مربي الاجيال القادمة وبنائي الوطن . قراءة

    دمتم بخير وصحة وعافية



    تواضع تكن كالنجم لاح لناظر ......على صفحات الماء وهو رفيع
    avatar
    طارق
    عضو مميّز
    عضو مميّز

    ذكر
    الدولة : سوريا
    عدد المشاركات : 964
    النقاط : 4808
    العمر : 34
    العمل/الترفيه : طالب ماجستير\ ممكن رفه حالي بأي شي؟؟؟
    المزاج : عايش ايامي؟؟؟؟
    يشجع فريق : البرازيل

    رد: الثقافة الجنسية...........

    مُساهمة من طرف طارق في السبت 08 أغسطس 2009, 3:14 am


    مشكور اخي منهل
    عنجد كلامك لامس الكثير من الصحة بواقعنا المتردي من هاي الناحية
    وانا بعتقد انو الثقافة الجنسية متل اي ثقافة لازم كل الشباب يطلعو عليها
    لانو هاي الثقافة كل واحد رح يختبرها مستقبلا ومتل ما حكيت ما بدنا نصل لمراحل
    لا يفيد الندم بعدها(الخيانة,الطلاق,الحرام.الخ)
    ومشكور كتير كتير لطرحك الموضوع لانو مجرد الطرح هو جرأة ضد العادات والتقاليد
    موافق موافق موافق
    avatar
    كمال
    عضو فضّي
    عضو فضّي

    ذكر
    الدولة : سوريا
    عدد المشاركات : 233
    النقاط : 3788
    العمر : 30
    العمل/الترفيه : طالب
    المزاج : موالي من راسي
    يشجع فريق : ايطاليا

    رد: الثقافة الجنسية...........

    مُساهمة من طرف كمال في السبت 08 أغسطس 2009, 9:40 pm

    · قبل المداخلة بدي قول :

    أول شي شكرا كتير أخ منهل على الموضوع الهام والجيد للحوار والنقاش

    وكمان بحب قول أنو الشكر الأكبر لـ نيكول لأنو عنجد مداخلتها كانت حلوة كتير كرأي وجريئه كطرح لأنها شاركت بهيك موضوع واللي للأسف كل صبايا المنتدى *تقريبا* شافو الموضوع بس ما أبدو مداخلاتهن لأنهن مفكرين أنو هالشغلة عيب تحكي فيها بنت ، بس بحب قلهن أنو مو عيب والعيب أنو نبقى مترددين وخايفين من البعبع ( التقاليد الغبيه ) اللي كل جيل بيحفظها عن ظهر قلب عن الجيل اللي قبلو بس ما بيعرف ليش وما بحاول يصححا .

    · ورأيي أنا بالموضوع :

    *** " لابد أن نقر أولاً ان هذه العملية هى عملية طبيعية مهمة يحتاجها الانسان كحاجته الى الهواء والطعام وهى عملية مهمة جدا ولا يمكن ان يتخلى عنها الانسان بأى شكل من الاشكال " وهى كيف نربى الناشئة على اصوله وآدابه كى تتعزز العلاقة الزوجية***





    · ورح لخص رأيي برأي رجل أجنبي قال هذه الجملة بعد وقوع حادثه ما :

    ***عربي كلو غبي ،يكره علم وثقافة ، يدعي دين ويمارس في سر ***.



    أما الإجابة عن أسئلتك أخ منهل :

    الشاب العربي بعيد كل البعد عن الثقافة الجنسية، وهذا ما يجعله معرض للوقوع في الخطأ و الانحراف ما قبل الزواج وعم قدرتهم على التواصل الجنسي السليم ما بعد الزواج ، والسبب هو جهلهم بالجنس و فهمهم للجنس فهما خاطئا روج لهم بطرق خفيه وما إلى ذلك....... وهذا ما جعلهم غير قادرين على كبت رغبه ممنوعة مجهولة ، وكما يقال كل ممنوع مرغوب فيه



    · *** وفي نهاية مداخلتي اريد أن أقول أن التشدد و التحفظ على هذا الموضوع في مجتمعنا جعل هذا الموضوع عقدة ونقطة يسعى الشباب العربي أجمع * الشباب والصبايا*

    لمعرفته بمجمل جوانبه وأصبح الشغل الشاغل لهم ، في حين المجتمع الغربي ينظر للجنس ببساطة لا تعقيد ، وبمعرفة لا جهل ( على فكرة أنا ما بقصد أنو ننحرف متل الغرب لاء ، بس بقصد أنو لازم نتجاوز هالموضوع وعقدته)



    · وبدي قول شغله لكل الشباب والصبايا بالمنتدى يا ريت اللي بدو يبدي مداخلة يا ريت يحكي بصراحة ومن دون أي تحفظ أو مجاملة لأنو نحنا في منتدى للحوار وليس لبيع الكلام ، وعلى فكرة بتمنى ندخل بهالموضوع بحوار جدي وواضح .

    دمتم بخير ورد
    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 5264
    العمر : 37
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    رد: الثقافة الجنسية...........

    مُساهمة من طرف القاشوش manhl في السبت 08 أغسطس 2009, 11:06 pm

    مشكور طارق وكمال على المشاركة تصفيق واتمنى ان ارى

    وتشوفو مشاركات الجميع بنات وشباب يعني على الاقل نكسر الحاجز الموروث واللي ما بعرف لهلا ليش.
    على فكرة هاد الموضوع بينطبق عليه قصة بالحوار العام . يضرب حالو



    تواضع تكن كالنجم لاح لناظر ......على صفحات الماء وهو رفيع
    avatar
    غريب
    عضو فضّي
    عضو فضّي

    ذكر
    الدولة : سوريا
    عدد المشاركات : 202
    النقاط : 3854
    العمر : 36
    العمل/الترفيه : مشان شو
    المزاج : آخر رواق
    يشجع فريق : اسبانيا

    رد: الثقافة الجنسية...........

    مُساهمة من طرف غريب في السبت 08 أغسطس 2009, 11:25 pm

    مسا الخير للجميع
    موضوع مفيد للنقاش
    اول شي خلوني كون صريح معكن انا الي رأي يمكن في كتير من الاعضاء ما يعجبن
    بس رح حاول اعطي رايي بأقل حدة ممكنة
    تقسم الثقافة الجنسية الى جانبين
    1- الجانب النظري من الثقافة وهي مجموع ما يحصله الفرد من معرفة نتيجة الاحاديث والاقوال والقراءة والمشاهدة عبر الوسائل المختلفة
    وهذا الجانب ضروري من اجل بناء ثقافة تتفق مع البيئة المحيطة بالشخص
    2- ثقافة عملية تنتج عن الممارسة او عن التجربة
    وهي ايضاً ضرورية لمعرفة مكامن الضعف والقوة والطرق التي توصل الاشخاص للذروة
    فلكل شخص طريقة او اسلوب يفضلة في هذه العملية ومن هنا اتت تسميات مثل شخص سادي او شخص ماشوسي
    او الى اخر ما هنالك من تسميات
    اضافة الى الكثيرمن الخيارات التي قد تنفع الطرف الاخر او تضره
    ولو تابعنا الاحصائيات الغير معلنة لوجدنا ان نسبة كبيرة من المشاكل بين الزوجين ناتتجة عنعدم التوافق الجنسي بينهما,منها ما يؤدي الى الهجر ومنها ما يؤدي للطلاق ومنها ما يؤدي لحلات كالزواج الثاني والثالث الخ......
    حتى نحن في هذا النقاش مازلنا نعتبر الثقافة الجنسية امر يجب التقدم فيه ولكننا ننكر على انفسنا كل ما يثقفنا جنسياً
    وهنا لابد من الاشارةالى قدرة الغرب على التخلص من العقدة المتمثلة بكون المشرف محصور بالعذرية
    ورايي انه طالما تعتبر عذرية المرأة والعملية الجنسية مقياس للشرف والكرامة فان الجنس سيبقى من ممنوعات الحديث ممنوعات التدوال
    وستبقى حالات الدعارة المنتشرة في مجتمعنااكثرمن المجتمعات الغربية حالة سرية غامضة
    تودي بالكثير من الشباب والنساء نحو امراض خطيرة تنتشر بكثر خلف الابواب الموصدة
    وتجعل ليلة الدخلة ليلة خوف وليلة ترقب من كافة الجوانب
    لي عودة للموضوع ......
    شكراً للجميع على ارائهم



    avatar
    Nawras
    مشرف
    مشرف

    ذكر
    الدولة : سوريا
    عدد المشاركات : 453
    النقاط : 4204
    العمر : 30
    العمل/الترفيه : همك/طاقات متجددة
    المزاج : yoooohoooo
    يشجع فريق : ايطاليا

    رد: الثقافة الجنسية...........

    مُساهمة من طرف Nawras في الأحد 09 أغسطس 2009, 9:50 pm






    شكرا صديقي منهل على موضوع الحوار المهم جدا


    بعرف اني اتأخرت بالرد.......


    بالبداية متل ما قال الجميع لا يوجد عند
    الشباب العربي بشكل عام ثقافة جنسية صحيحة



    المعلومات الوحيدة المعروفة عن الجنس مستقاة
    من الأفلام الإباحية وكلام بعض الرفاق الذين خاضوا في مجال الجنس لكن بطريقة خاطئة...اما عن طريق بيوت الدعارة او
    الاغتصاب...



    وبهيك حالة رح تكون الأنثى عبارة عن شي جامد
    يستخدمه...وهذه ممارسة جنسية خاطئة تماما



    فالعلاقة الصحيحة تنشأ من كون الرجل المرأة
    متفقين وكل منهما يسعى لإرضاء الآخر وإبقاءه مرتاحا والوصول إلى الذروة...وهذه
    العلاقة لاتوجد حتى عند أغلب الأزواج



    اذ أن قسما كبيرا من الشباب العرب ينظرون الى
    المرأة كأداة للمتعة ولا يهم راحتها أو متعتها..ولا ينظرون اليها كامرأة لها حق في
    الجنس كما الرجل تماما...فكلاهما انسان له مشاعر



    ومن هنا تكون الخطوة الاولى للتثقيف
    الجنسي...التعريف بكل من الرجل والمرأة ودور كل منهما في اسعاد الآخر



    ويأتي بعدها التعريف بمعنى الجنس وما هي
    أعضاءه ............



    والجانب العملي مهم جدا متل ما قال
    غريب.....لان المعلومات النظرية فقط لا تكفي ابدا....هناك الكثير من الأشياء لا
    تعرف الا عند الممارسة الجنسية الفعلية...ولا بد من الخطأ في المرات الأولى..كما
    في أي شي جديد



    وأهم شي نتخلص من عقدة الخجل بالنسبه
    لهالموضوع..لأنو الجنس شي من صلب الإنسان ...متل الضرورات التانية



    وبيكفي انو يصورولنا الجنس باب لو فتحناه
    بتصيبنا اللعنات ...ف بتبقى هالعقدة موجودة حتى بعد الزواج





    بيكفي الكلام لهون حاليا...الكلام يطول



    رمالاً ....رمالاً قطعت
    وأُجفلتُ من حبَّة رملٍ...
    تغاجئني تحت قلبي...
    فأواهُ...أواهُ...أواهٌ
    من هذا القليل الذي لا يطاق
    avatar
    Muhannad
    المدير العام
    المدير العام

    ذكر
    الدولة : سوريا
    عدد المشاركات : 2142
    النقاط : 5978
    العمل/الترفيه : MTN - Contact Center / الانترنيت
    المزاج : الإنسان هو الذي يصنع سعادته ...
    يشجع فريق : البرازيل

    رد: الثقافة الجنسية...........

    مُساهمة من طرف Muhannad في الأحد 09 أغسطس 2009, 10:16 pm


    شكراً صديقي العزيز منهل على الشجاعة في طرحك لهذا الموضوع الجريء والحسّاس والذي قلّ الحديث عنه بسبب اعتقاد الناس أنّه منافي للأخلاق ... وهذا كلام غير صحيح لأن المنافي للأخلاق هو ما يحدث اليوم على الفضائيات وغيرها من المجلات والمواقع الإباحية ....

    وبالنسبة لأسئلتك فبالتأكيد الجواب هو لاااا ...

    أما عن رأيي :

    الثقافة الجنسية أصبحت ضرورة للعديد من الأسباب ....
    فكثير من الأمراض الجنسية سببها الأساسي الجهل وغياب الثقافة الجنسية ...
    كما أنّ المراهقين والشباب أصبحوا بحاجة ماسة إلى توعية حول هذه الأمور ، ويجب أن يتم طرح هذه الثقافة على المراهقين وإيصال المعلومات لهم بطريقة علمية صحيحة ، لا عن طريق المجلات أو الصور التي تبثها الفضائيات ، وبخاصة في ظل التطور التكنولوجي الذي خرق حدود الحرج في مثل هذه القضايا ، كما أنّ التثقيف الجنسي يتطلب شروطاً معينة قبل الخوض فيه وأن يكون ضمن حدود الأدب والاخلاق وبما يتناسب مع قيمنا وتقاليدنا ... وإلا فإنّه سيعود بنتائج وآثار سلبية على المجتمع اذا لم يتم إيصال المعلومات بالشكل السليم ...

    وبشكل عام فإنّ الجنس ليس مادة تدرّس أو تعلم في المدارس ... وإنما هو غريزة إنسانية لابد من ضبطها والسيطرة عليها حتى لا تصبح رذيلة ...
    وهنا يجدر بنا طرح السؤال التالي :
    كيف يمكن إيصال الثقافة الجنسية السليمة والمعلومات الصحيحة إلى الشباب والمراهقين والأبناء ...؟؟!! ما هي الطريقة الأنسب ...؟؟!!

    برأيي ... إنّ الأهل هم أكثر الناس كفئاً للقيام بهذه المهمّة ، لأنّهم الأقرب والأجدر بأن يكونوا المصادر الموثوقة لأبنائهم ... وبالتالي فإنّ أي مصدر آخر لن يكون ذو ثقة كافية ... وبالأخصّ في فترة المراهقة حيث يكثر فيها التفكير بهذه الأمور ... فالأم يجب أن تكون مسؤولة عن ابنتها والأب عن ابنه ... أي أن يقوم الأهل بإيصال الفكرة السليمة إلى أبنائهم ، لكي لا يلجأ الأبناء إلى الاستفسار عن ما يخطر ببالهم من خلال مصادر أخرى كالقنوات الفضائية والأفلام الإباحية وغيرها ... ( يعني باختصار أن يكون هناك صراحة بين الأهل والأبناء ) ...
    وبالنسبة للجانب العملي الذي تحدّث عنه غريب ونورس ... فما هو قصدكم بالجانب العملي ...!!؟؟
    * لي مشغول بالكتابة عودة *





    "Tell me and I'll forget; show me and I'll remember; involve me and I'll understand "

    ياسر
    عضو فعّال
    عضو فعّال

    ذكر
    الدولة : السودان
    عدد المشاركات : 111
    النقاط : 3552
    العمر : 50
    العمل/الترفيه : التجارة / السياحة

    رد: الثقافة الجنسية...........

    مُساهمة من طرف ياسر في الأحد 09 أغسطس 2009, 11:36 pm

    بالطبع نحن مجتمع شرقى محافظ التجدث فى الثقافه الجنسيه فى محيط الاسرة خط احمر لا يمكن الاقتراب منه باى حال من الاحوال وفى نظرى كل من يتطلع الى الايه الكريمة (ولاتقربوا الزنى انه كان فاجشة وساء سبيلا ) يدرك تماما خطورة العلاقة خارج اطار الزوجية اما بالنسبه للعلاقات الحميميه بين المتزوجين فانها تاتى اذا خلص الحب بينهما اما بالنسبه للتجربه العمليه يقول احد العلماء اننا اذا وضعنا طفل وطفلة فى جزيرة نائية ووفرنا لهم اسباب الحياه ولم يعش معهم احد فانهما عندما يبلغا سوف يمارسا الجنس بكل حميميه لذلك اخوتى لا تقلقوا بانكم لم تحصلوا على ثقافه جنسيه من الاقرباء وتشعروا بان الغرب افضل منكم فى هذا المضمار000اسالونى انا مجرب فلم اتلقى ثقافه جنسية من احد وبالرغم من ذلك اعيش وشريكتى قمة الحميميه واعتقد كذلك والداى وكذلك اباتئكم انتم وعندما تتزوجون اعتقد انكم لن تكون عندكم الجراْة لتتحدثوا مع ابناءكم فى هذا الشاْن وهكذا تسير الامور فلاتقلقوا اخوتى
    avatar
    Nicole
    المشرفة العامّة
    المشرفة العامّة

    انثى
    الدولة : سوريا
    عدد المشاركات : 603
    النقاط : 4211
    العمر : 31
    العمل/الترفيه : PR- Sawab/S.S.D.D
    المزاج : هئ مزاجية هئ
    يشجع فريق : البرازيل

    رد: الثقافة الجنسية...........

    مُساهمة من طرف Nicole في الإثنين 10 أغسطس 2009, 7:43 am


    شكراً كمال وشكراً لآراء الكل الصريحة هاد هوّي الوعي المعقول اللي حكيت عليه فينا نحنا الشباب
    بس, ولو غريب ونورس عن أي جانب عملي عم تحكوا؟؟
    نحنا مع نشر الثقافة اللي بتخلينا نتفادى الممارسات الخاطئة بهالعلاقة و اللي ممكن تكون محرمة كمان
    بس جانب عملي؟ كيف؟ و كيف ممكن تبرر هيك شي؟ وكيف ممكن تعبر عن هيك شي؟
    حتى بالمناهج الأوروبية والأميركية ما في هيك شي, يعني صار الجانب العملي شي بيتعدى ثقافتنا مو عاداتنا
    ما بعرف بجوز أنا كون غلطانة بتفسيري للجانب العملي, صححولي شباب و عطونا رأيكم



    أنا لا أؤمن بالظروف.... الناجح في الحياة هو من يسعى للبحث عن الظروف التي يريدها, وإن لم يجدها.....
    يصنعها بنفسه
    Je veux vivre la vie en rose... ouais Edith

    http://www.sawab-ltd.net
    avatar
    Muhannad
    المدير العام
    المدير العام

    ذكر
    الدولة : سوريا
    عدد المشاركات : 2142
    النقاط : 5978
    العمل/الترفيه : MTN - Contact Center / الانترنيت
    المزاج : الإنسان هو الذي يصنع سعادته ...
    يشجع فريق : البرازيل

    رد: الثقافة الجنسية...........

    مُساهمة من طرف Muhannad في الإثنين 10 أغسطس 2009, 4:37 pm

    ياسر كتب:بالطبع نحن مجتمع شرقى محافظ التجدث فى الثقافه الجنسيه فى محيط الاسرة خط احمر لا يمكن الاقتراب منه باى حال من الاحوال وفى نظرى كل من يتطلع الى الايه الكريمة (ولاتقربوا الزنى انه كان فاجشة وساء سبيلا ) يدرك تماما خطورة العلاقة خارج اطار الزوجية اما بالنسبه للعلاقات الحميميه بين المتزوجين فانها تاتى اذا خلص الحب بينهما اما بالنسبه للتجربه العمليه يقول احد العلماء اننا اذا وضعنا طفل وطفلة فى جزيرة نائية ووفرنا لهم اسباب الحياه ولم يعش معهم احد فانهما عندما يبلغا سوف يمارسا الجنس بكل حميميه لذلك اخوتى لا تقلقوا بانكم لم تحصلوا على ثقافه جنسيه من الاقرباء وتشعروا بان الغرب افضل منكم فى هذا المضمار000اسالونى انا مجرب فلم اتلقى ثقافه جنسية من احد وبالرغم من ذلك اعيش وشريكتى قمة الحميميه واعتقد كذلك والداى وكذلك اباتئكم انتم وعندما تتزوجون اعتقد انكم لن تكون عندكم الجراْة لتتحدثوا مع ابناءكم فى هذا الشاْن وهكذا تسير الامور فلاتقلقوا اخوتى

    أخي الكريم إن ما ذكرته كلام سليم ...
    موافق
    ولكن لا يمكننا تجاهل بأنّ الكثير من حالات الطلاق والمشاكل الزوجية كان سببها ضعف التثقيف الجنسي لكل من الزوج والزوجة ....
    أما بالنسبة للحديث عن الجنس في إطار الأسرة فأنا معك ... بأنّ ذلك قد يكون محرجاً لكل من الأهل والأبناء ... ولكن مهما كان يبقى التثقيف السليم ضمن إطار الأسرة أفضل وأحسن من أن يتم خارجها ...





    "Tell me and I'll forget; show me and I'll remember; involve me and I'll understand "
    avatar
    Nawras
    مشرف
    مشرف

    ذكر
    الدولة : سوريا
    عدد المشاركات : 453
    النقاط : 4204
    العمر : 30
    العمل/الترفيه : همك/طاقات متجددة
    المزاج : yoooohoooo
    يشجع فريق : ايطاليا

    رد: الثقافة الجنسية...........

    مُساهمة من طرف Nawras في الإثنين 10 أغسطس 2009, 10:11 pm

    بالنسبة للجانب العملي اللي عم احكي عنو انا هو ما بعد الزواج
    يعني قصدي أحيانا بتصير حالات نتيجة المعلومات الخاطئة او عن عدم وجود معلومات
    هذه الحالات تكثر ليلة الدخلة.......
    الحالات هيي مثلا اغماء الزوجة او اصابتها بنزيف او عدم القدرة على الاتمام نتيجة الخوف المسبق
    وانا سمعت عن اكتر من حالة



    رمالاً ....رمالاً قطعت
    وأُجفلتُ من حبَّة رملٍ...
    تغاجئني تحت قلبي...
    فأواهُ...أواهُ...أواهٌ
    من هذا القليل الذي لا يطاق
    avatar
    غريب
    عضو فضّي
    عضو فضّي

    ذكر
    الدولة : سوريا
    عدد المشاركات : 202
    النقاط : 3854
    العمر : 36
    العمل/الترفيه : مشان شو
    المزاج : آخر رواق
    يشجع فريق : اسبانيا

    رد: الثقافة الجنسية...........

    مُساهمة من طرف غريب في الإثنين 10 أغسطس 2009, 11:03 pm

    لي عودة للموضوع
    مهلة للتمعن والتمحيص

    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 5264
    العمر : 37
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    رد: الثقافة الجنسية...........

    مُساهمة من طرف القاشوش manhl في الثلاثاء 11 أغسطس 2009, 8:44 pm

    غريب ونورس ومهند وياسر مشكورين على المرور
    (غريب ونورس )هدو شوي على مهل

    يعني انتو عم تهجموا مباشرتا على نهاية القصة او بالاحرى على شغلات كبيرة

    وفيه كتيرين لسا الشغلات الصغيرة ما بيعرفوها.

    يعني انا عندي اصحاب يبسالوني اسالة عن الموضوع لو تسمعوها عن جد بتزعلو عليهن.

    لذلك حاليا خلونا بالثقافة النظرية والمعلومات السمعية وبعدين لما كل واحد بيتجوز يبقى يتثقف الثقافة العملية واللمسية والحسية

    مشكورين شباب بس على مهل كسر حجار



    تواضع تكن كالنجم لاح لناظر ......على صفحات الماء وهو رفيع
    avatar
    Dima
    عضو فعّال
    عضو فعّال

    انثى
    الدولة : سوريا
    عدد المشاركات : 80
    النقاط : 3634
    العمر : 32
    العمل/الترفيه : student
    المزاج : so optimistic
    يشجع فريق : ألمانيا

    رد: الثقافة الجنسية...........

    مُساهمة من طرف Dima في الثلاثاء 11 أغسطس 2009, 9:08 pm

    شكرا منهل عالموضوع الجريء والمهم وخصوصي بمجتمعنا ...........................
    للأسف الشدييييدد متل مو الكل ملاحظ انو هم المجتمع الشرقي العربي هو الجنس يعني لهلأ عقدة الجنس مزروعة بعقول اغلبية العرب بطريقة خاطئة مع العلم انو بيصير شغلات بالسر افظع من يلي عم نحكي عنا بالغرب بس الفرق انو هون كلشي مخبى يعني متل ما قال الاخ كمال عن نظرة الاجنبي للعرب واكيد لازم نوعي اطفالنا من الصغر عن هي الامور طبعا بطريقة تناسب عقولهم وادراكاتهم وبالفعل منهل طرحت موضوع كتير جريء ومحظور تقريبا تداوله_ مشكور كتير _واخر شي بدي قوله انو المفروض نائميكون في توعية للأسرة بحد ذاتها لأنه ما زال الجهل_ بكثير من الامور _سائد ......
    avatar
    كمال
    عضو فضّي
    عضو فضّي

    ذكر
    الدولة : سوريا
    عدد المشاركات : 233
    النقاط : 3788
    العمر : 30
    العمل/الترفيه : طالب
    المزاج : موالي من راسي
    يشجع فريق : ايطاليا

    رد: الثقافة الجنسية...........

    مُساهمة من طرف كمال في الثلاثاء 11 أغسطس 2009, 11:29 pm

    يسعد أوقاتكن شباب وصبايا ، وفعلا شكرا للجميع على هالآراء الناضجه اللي أبداها الجميع
    على فكرة شباب بعد ما سمعت آراءكن الحلوة وبعد ماشفت الجميع متفق على أنو الثقافة الجنسيه مطلوبه بمجتمعنا ، أنا هلق حابب أطرح سؤال على جميع الأعضاء

    ما رأيك بالغلط ( الممارسه الجنسيه) الغير شرعيه ، وهل تتقبل الحياة مع شريك وانت مدرك أن له تجارب جنسيه

    بتمنى من جميع الأعضاء أخذ هذا السؤال على قدر كاف من الجد والصراحة ، وبتمنى أنو كل عضو يبدي رأيو الصريح مهما كان رأيو بس ياريت نبتعد عن المجامله وبيع الكلام

    أفضل الأمنيات
    avatar
    Nicole
    المشرفة العامّة
    المشرفة العامّة

    انثى
    الدولة : سوريا
    عدد المشاركات : 603
    النقاط : 4211
    العمر : 31
    العمل/الترفيه : PR- Sawab/S.S.D.D
    المزاج : هئ مزاجية هئ
    يشجع فريق : البرازيل

    رد: الثقافة الجنسية...........

    مُساهمة من طرف Nicole في الأربعاء 12 أغسطس 2009, 7:37 am

    هلأ بالنسبة لإلي وكرأي و إيمان شخصي مو أكتر برفض الصراحة هي العلاقة الغير شرعية و بنفر منّا... هلأ صادفت بحياتي أشخاص ممكن يندفعوا بسبب الحب أو ممكن الحب القوي يردعن بس أنا بقول لأ عليّا وولا يمكن وما في ببرر هالشي ولو كان بيعبدو الشخصين بعض و هون بيجي دور العقل اللي ميزنا فيه الله عز و جل عن الحيوانات اللي ما بتتبع إلا غريزتا... أماا العلاقة الغير الشرعية لأجل المتعة فقط... فبليز هاد صار اسمو زنى و فاحشة
    حاسة حالي صرت شيخة... بس من وجهة نظر بعيدة عن الدين فأنا بآمن برقي و سما الشي اللي رح يصيير بليلة الدخلة و كتير بشع و آسفة للتعبير انو تحس حالك عامل هاد الشي ومع مين؟ مع وحدة ما بتعرف قرعة أبوا من وين أو مع شب ممكن تاني نهار يتركك
    و أكيد بتمنى انو الشب اللي رح ياخدني ما يكون عندو علاقات جنسية من قبل, انو علاقات عادية ما في حدا بجوز إلا خاض فيّا ولو بشكل بسيط بس علاقة جسدية لأ وولا يمكن و لو كان عرسي تاني نهار و قلي انو نايم مع غيري من قبل رح اترك و امشي (بجوز تلاقوه مو منطقي هالشي بس أنا بالإضافة لاستهجان العلاقة, أنا بغار فما بيمشي الحال معي هيك lol! ).... بس مع استمرار الوضع بهالشكل و بهالانفلات و عدم التوعية بجوز ما نعود نحلف عن حدا (هاد في إطار التوقعات فقط)
    بتمنى ما كون تقلت عليكن و تقبلوا مروري



    أنا لا أؤمن بالظروف.... الناجح في الحياة هو من يسعى للبحث عن الظروف التي يريدها, وإن لم يجدها.....
    يصنعها بنفسه
    Je veux vivre la vie en rose... ouais Edith

    http://www.sawab-ltd.net
    avatar
    lolo_alhababe
    مشرفة
    مشرفة

    انثى
    الدولة : سوريا
    عدد المشاركات : 1120
    النقاط : 4712
    العمر : 29
    العمل/الترفيه : طالبة
    المزاج : !!!!!!!!!!!!!!!!!!!
    يشجع فريق : البرازيل

    رد: الثقافة الجنسية...........

    مُساهمة من طرف lolo_alhababe في الأربعاء 12 أغسطس 2009, 1:35 pm

    مسا الورد للكل
    وشكرا كتير منهل على الموضوع الرائع
    انا بصراحة كنت كتير مترددة باني احكي رايي نتيجة القيود الي فرضوها عليي وعلى غيري الاهل والمجتمع


    متل ما كان رايي الكل نحنا ماعنا ثقافة جنسية صحيحة والمفروض تصير عنا هي الثقافة لان نتيجة عدم وجودا عم يصير اخطاء كبيرة ممكن تأدي لفشل العلاقة بين الجنسين وممكن بعد حب دام سنين

    بس المجتمع مو درجة وعي وحدة وممكن الموضوع يلاقي معارضة كبيرة بالاول ومو بس معارضة ومحاربة كمان
    وكتار الي ما رح يتقبلو الموضوع بسهولة

    بالنسبة للسؤال هاد:
    ما رأيك بالغلط ( الممارسه الجنسيه) الغير شرعيه ، وهل تتقبل الحياة مع شريك وانت مدرك أن له تجارب جنسيه
    شكرا كمال على طرح السؤال
    اول شي مافي حدا بيشجع على الغلط
    والغلط لما يصير ما بيصير من ولا شي
    ماحدا عندو هواية يعمل غلط اكيد في ظروف واسباب ورايي اي حدا ممكن يغلط بس منشان ما يتكرر الغلط المفروض نسامحو ونوعيه ما نستخدم اسلوب غلط
    بعدين نحنا تربينا خايفين من الجنس وخايفين نحكي في او نسال عنو وحتى لو سالنا عم ناخد معلومة غلط والشي الي تربينا عليه غلط
    منجي منحاسب حدا لما يغلط ومننبذو ومنتعامل معو على انو مو منا ؟؟؟؟؟؟؟؟؟؟؟
    مننسى انو بشر والبشر بيغلطو؟؟؟؟؟؟؟؟
    انا مو مع التجربة قبل الزواج بس في حال صار هاد الشي المفروض تكون عنا قدرة نسامح بعض لان الغلط الي غلطو غيري ممكن انا لو بظروف هاد الشخص ممكن اغلطو وكمان هيك ما منتطر نغش ونخدغ ونكذب على بعض

    وبعتقد لما بيتثقف المجتمع جنسيا رح يصير في اتفاق اكبر بين الازواج وتخف الاسباب الي تخلي الاشخاص يغلطوا



    شكرا للكل ولنيكول الي شجعتني قول رايي
    وشكرا مرة تانية لمنهل على طرح الموضوع
    تقبلو مروري



    ان لم تجد شخصاً تحبه فأنت إنسان تعيس....وإن أحببت شخصاً لم يحبك فأنت إنسان أتعس

    ياسر
    عضو فعّال
    عضو فعّال

    ذكر
    الدولة : السودان
    عدد المشاركات : 111
    النقاط : 3552
    العمر : 50
    العمل/الترفيه : التجارة / السياحة

    رد: الثقافة الجنسية...........

    مُساهمة من طرف ياسر في الأربعاء 12 أغسطس 2009, 4:31 pm

    موضوع الثقافة الجنسيه نال ردود كثيرة مقارنة مع تاريخ اول مساهمة وان دل ذلك انما يدل على ان الموضوع جد جرئ ومادته مثيره ليدلو كل الاصدقاء بدلوهم .ويدل كذلك ان الاخوة يمتلكون ثقافة جنسية عالية لا باس بها ولاهمية الموضوع انبثقت منه اراء من الاح كمال اكثر جراْة وراى يااخ كمال ان الغلط الجنسى خطا فادح لايمكن المرور عنده مرور الكرام وذلك لما يترتب عليه من اذى يلحق بالاهل وربما يكون ثمرة ذلك طفوله بريئة مجهوله الابوين وتخيلوا اخوتى مستقبل هولائى الابرياء ونظرة المجتمع اليهم 0اما راى شخصيا بقبول شريك عاش تجربه جنسيه (زنا) وايش درانى انه قد نسى تجربته السابقة وتعافى منها تماما فربما اثنا المعاشرة الجنسيه يتذكر الذى كان يرتكب معه الفاحشة ويتخيلك انك هو وهذا ما يعرف بالسرقة الجنسيهلذلك اخى كمال انا لا اقبل ان اسرقوانا لاانكر ان من رجع وتاب علينا ان تقبله قبول حسن
    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 5264
    العمر : 37
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    رد: الثقافة الجنسية...........

    مُساهمة من طرف القاشوش manhl في الأربعاء 12 أغسطس 2009, 8:36 pm

    اول شي يسعد مساكن كل الشباب والصبايا اللي شاركوا وعطوا أرائهم

    اما عن سؤالك الاخ العزيز كمال (هل تقبل شريك وانت تعلم انه قد مارس الجنس قبل الزواج وبطريقة غير شرعية ؟)

    بصراحة انا لا أقبل ولا بأي شكل لأنه لا يوجد مبرر مقنع من قبل هذا الشخص انه

    عمل هذه الخطيأة .

    ومتل ما قالت نيكول أذا كنا غير قادرين على ضبط النفس وكبت غرائزنا

    عندما نريد فقد طغت علينا النزعة الحيوانية .

    هذا من جهة ومن جهة أخرى لا يمكن أن أتخيل كيف ستكون هذه العلاقة بين شخصين (ذكر وأنثى)من دون أن يكون هناك حب أو على الأقل احترام ورضى ذاتي داخلي,يعني مو الهتف مادي او أرضاء شخص لسبب من الاسباب.

    يعني أنا متل ما قلت أنو الثقافة الجنسسية ضرورية ومهمة لكل شخص بدأ من سن الأدراك لهذا الامر مع الاخذ بعين الاعتبار ما هو محرم (السنة والشريعة وما هو محرم بين الزوجين ). ثم انه ما حلل من الله ورسوله لا يجوز تحريمه , وما حرم لا يجوز تحليله أو الرضا به مهما كانت الأسباب

    مشكورين كل الشاب عن جد مداخلاتكم كلها حلوة ومسؤولة

    ولميس يعطيكي العافية على مداخلتك الجريئة بحكم ما قلته من تردد

    يعني بتستاهلي نقطة يعطيكي العافية وشكرا مرة تانية



    تواضع تكن كالنجم لاح لناظر ......على صفحات الماء وهو رفيع
    avatar
    غريب
    عضو فضّي
    عضو فضّي

    ذكر
    الدولة : سوريا
    عدد المشاركات : 202
    النقاط : 3854
    العمر : 36
    العمل/الترفيه : مشان شو
    المزاج : آخر رواق
    يشجع فريق : اسبانيا

    رد: الثقافة الجنسية...........

    مُساهمة من طرف غريب في الأربعاء 12 أغسطس 2009, 9:52 pm


    مساء الخير جميعاً
    أرى أن الجميع متفقون عل عدة نقاط وهي
    1- قلة الثقافة الجنسية في المجتمع
    2- ضرورة زيادة التوعية الجنسية
    3- اعتبار العلاقة قبل الزواج خطأ وقد يكون فادح بنظر البعض
    ونقاط الخلاف قد تكون في قدرة البعض على المسامحة أو اعتبار هذا الخطأ
    وغفور

    ورفض البعض الآخر لهذا الخطأ تماماً
    أما رأيي أنا بالموضوع فهو:
    نحن نرتكب خطا عندما نعالج هذا الموضوع من هذه الزوايا
    فنحن ننظر إلى عوارض للمشكلة الحقيقية
    وأحيانا تكون العوارض خادعة وتضل عن الحل الصحيح للمشكلة (الحمى بحاجة
    للمزيد من الدفء)

    أما المشكلة الحقيقة فهي في المفاهيم العامة التي نتلقاها من المجتمع
    مفهوم العيب بدل الصح والخطأ
    مفهوم الشرف والكرامة وارتباطها بالمرأة وعذريتها
    نحن مجتمع تعود كل فرد فيه على الكذب على نفسه أولا ثم على جميع من
    حوله

    نحلل لنا ونحرم على غيرنا
    سأتحدث من وجهة نظر شخصية: النسبة العظمى للشباب من حولي يتفاخر
    بعشيقته وعلاقته بها والقبل والأحضان وووووو الخ
    لكنه اذا علم ان أخته قد قابلت شاب مجرد لقاء تقوم الدنيا ولا تقعد

    نسبة العلاقات الغير شرعية من وجهة نظر كل مجتمع هي اكبر في مجتمعاتنا
    بكثير منها في المجتمعات الغربية

    احترام العلاقة ما بعد الزواج في البلدان المتحللة اخلاقياً كما يسميها
    البعض هي اكبر بنسبة لا تقارن منها بمجتمعنا

    اريد من كل هذا ان اصل الى المشكلة الاساسية
    المشكلة هي في طريقة تقييم الانسان
    الانسان في المجتمع المنفتح جنسياً (المتحلل اخلاقياً) يقيّم من خلال
    نفسه وصدقه وكذبه أي لا يعتبر فلان من الناس سيئ لأن زوجته عاهرة

    الانسان في مجتمعنا يقيم من خلال تاريخ اسرته والتزام زوجنه وبناته
    ......الخ



    ما يعتبره البعض خطأ فادح (العلاقة ما قبل الزواج) يعتبر حق من الحقوق
    التي لا يتنازل عنها ذكر او انثى في مكان آخر



    والغاية من المقارنه هي انه حتى يصبح الانسان صحيحاً في مجتمعنا عليه
    ان يكبت غرائزه تماماً حتى يتزوج وقد لا يوفق بزواجه فيقضي حياته دون ان يعرف معنى
    السعادة وثم عليه ان يكون رقيباً على كل انثى من حوله حتى لا تخطئ



    أي عليه ان يعاكس طبيعته حتى يكون قويماً


    اما الانسان في المجتمع الغربي فحتى يكون قويماً عليه ان يكون صادقاً
    بكل مايفعل والا فلن تنفعة عذرية بناته ولا شرف زوجته



    ولي عودة اخرى للموضوع


    عذراً على الاطالة


    تقبلو مروري




    avatar
    كمال
    عضو فضّي
    عضو فضّي

    ذكر
    الدولة : سوريا
    عدد المشاركات : 233
    النقاط : 3788
    العمر : 30
    العمل/الترفيه : طالب
    المزاج : موالي من راسي
    يشجع فريق : ايطاليا

    رد: الثقافة الجنسية...........

    مُساهمة من طرف كمال في الأربعاء 12 أغسطس 2009, 11:46 pm

    أول شي شكرا للجميع على الآراء الصريحة اللي أبدوها
    هلق متل ماشفنا شباب بأنو الكل متفق على أهمية وجود ثقافه جنسيه حقيقيه في مجتمعنا
    بس كان في تباين للآراء بتقبل فكرة الحياة مع شريك له تجارب جنسيه غير شرعيه مسبقا

    ورأيي أنا :
    بصراحة أنا أرفض وبشكل قطعي الارتباط بفتاة سبق لها وأن أقامت علاقه جنسيه غير شرعيه ، لأنو بصراحة ما بشوف أنو في أي سبب أو أي مبرر لأقامة مثل هذه العلاقه
    و بصراحة بشوف أنو أي بنت بتقيم هيك علاقه هي عاهره** الا اذا كانت هذه الفتاه قد فقدت عذريتها اغتصابا فهي ليست عاهره أو لسبب قد أجهله كوني ذكر وهو خاصص بالنساء ** وما بشوف أنو الها أي مبرر عدا ما ذكرت وليش لحتى يكون الها مبرر أو حتى للشب الو مبرر ليش مو كل المجتمع متلهن الكل عندو غرائز ومتطلبات بس نحنا بشر وكرمنا الله عز وجل بالدين والعقل لهيك مو لازم أبدا نرضخ لرغباتنا وشهواتنا
    وبرأيي كمان أنو اللي بيغلط مرة بيغلط مرات وسيعود الى ماضيه ليكرره من جديد

    وبالنسبه لمسامحه البنت اللي غلطت أنا من عندي الله يسامحها ويبعدها وبأكدلكن أنو ما رح نصب نفسي قاضي عليها وحاسبها بس من حقي أنو ابتعد عنها لأنو من المستحيل أنو أقدر صدقها أو عيش معها لأنومن حقي كمان عيش حياتي مع الانسانه اللي بشوف ذاتي وحياتي معها وبحس أنها تستحق حبي الها

    ورد وهالوردة لكل الشباب والصبايا

    وبتمنى شباب أني ماكنت ثقيل الظل
    تقبلو مروي
    أفضل الأمنيات
    avatar
    كمال
    عضو فضّي
    عضو فضّي

    ذكر
    الدولة : سوريا
    عدد المشاركات : 233
    النقاط : 3788
    العمر : 30
    العمل/الترفيه : طالب
    المزاج : موالي من راسي
    يشجع فريق : ايطاليا

    رد: الثقافة الجنسية...........

    مُساهمة من طرف كمال في الخميس 13 أغسطس 2009, 3:04 pm

    يسعدلي أوقاتكن شباب وصبايا
    اذا بتسمحولي أنا حابب اطرح سؤال واللي هو
    ؟؟؟
    هل تجد أي مبرر لاقامة علاقة جنسيه غير شرعيه
    أن وجدت هذه المبررات فما هي ؟؟؟

    أفضل الأمنيات


      الوقت/التاريخ الآن هو الأربعاء 12 ديسمبر 2018, 9:21 am