ملتقى الشباب و الصبايا

أهلاً بك عزيزي الزائر في ملتقى الشباب والصبايا
إن لم يكن لديك حساب بعد نتشرف بدعوتك لإنشائه مجاناً من خلال الضغط على زر " التسجيل "
أما إذا كنت عضواً في الملتقى ما عليك سوى القيام بتسجيل الدخول .

يجمع الشباب والصبايا ، ويتناول أفكارهم وقضاياهم ويطرح همومهم ، يهدف إلى الحوار البنّاء والنقاش الهادف بين الشباب والصبايا / ومنوّع

بدنا نكمّل المشوار      سوريين صغار كبار
نحنا وقائدنا بشار   وخلّي العالم كلو يغار

    أغذية البحر المتوسط

    شاطر
    avatar
    دمع المطر
    عضو فعّال
    عضو فعّال

    انثى
    الدولة : سوريا
    عدد المشاركات : 62
    النقاط : 2855
    العمر : 28
    العمل/الترفيه : طالبة
    المزاج : كوول على طوول
    يشجع فريق : ألمانيا

    أغذية البحر المتوسط

    مُساهمة من طرف دمع المطر في السبت 05 يونيو 2010, 12:38 pm

    طبعا حابة احكي عن نوعيات الوجبات اللي مناكلها لانو للاسف باخر فترة قريت انو كتر الاستيراد من المنتجات الغربية ونسينا انو نحنا ببلدنا منملك افضل المنتجات اخدناها عن اهلنا واهل زمان قريت من فترة انو بالشام وحدها عنا 3000 مطعم وجبات سريعة وما عنا مطاعم للوجيات العشبية التقليدية كتير مع انو الوجبات العربية حاليا وخاصة الاكل الشامي واللبناني منتشر باوروبا وامريكا باعتباره اكتر النماذج قبولا بين النماذج الصحية
    هلئ بسنة 1993 صار اجتماع للخبراء بمجال الصحة والتغذية وراجعو بالاجتماع البحوث اللي بتتعلق بتركيب الوجبات الشرق اوسطية بالستينات لسيتفادو منها واختارو هالفترة ومنطقتنا لعدة اسباب واهمها
    أولا معدل حياة السكان ببلادنا طبعا البالغين اعلى من معدل بقية حياة الناس بغير بلاد
    تانيا امراض القلب وبعض الامراض السرطانية والمزمنة المرتبطة بالغذاء هي اقل ببلادنا والسبب معروف لانو اكلنا صحي
    هالشي نحنا اتجاهلنا وركضنا ورا الوجيات السريعة اللي مافيها فايدة
    طبعا بعد هالدراسة صار مصطلح الوجية الشرق اوسطية النموذج المتبع بالستينات واللي بدي ينقرض عنا بسبب انتشار الوجيات السريعة
    هلئ وجبة الشرقية بشكل عام بتحتوي على كميات كبيرة من الاغذية النباتية بتعرفو اكلنا معتمد عالخضرا كتير فاصوليا فول ورق العنب السلطات اللي منزرعها بارضنا وطبعا ما مننسى العدس والبرغل والفواكي والمكسرات اللي بتنحط عالاكل من لوز وكاجو وصنوبر وهالقصص وما متتسى فوائدها وطبعا نكهى الاكل ببلادنا معتمدة عالتوابل والبصل والتوم بكتير طبخات وزيت الزيتون او السمن البلدي هو المركب الاساسي بالطبخة هي من ناحية الفواكي والخضراوات
    ومنذكر كمان السمك واللحم الابيض متل الجاج بالنسبة للحم الاحمر بتوقع حاليا نص البشر ما كتير عاد اكلوه بعد ما صار الكيلو فوق ال600
    طبعا هالوجبة او الطبخة الشرقية غير انها صحية وكمان ارخص منطقيا قارنو بين طبخة البازيلا وتكاليفها وبين حق بيتزا حجم عائلي وكل الناس فيهم يطبخو ببيتوهم وبتوقع برأيي كل نسبة منيحة من البنات بيعرفو يطبخو بقى ليش نخلي غيرنا يستفاد من اكلنا ونحنا موجودين

    فكرو بالحكي وبتمنى الكل يخفف الوجبات السريعة ويرجع لاكل البيت الصحي
    avatar
    fadi
    المشرف العام - نائب المدير
    المشرف العام - نائب المدير

    ذكر
    الدولة : سوريا
    عدد المشاركات : 106
    النقاط : 3058
    العمر : 29
    العمل/الترفيه : تصوير

    رد: أغذية البحر المتوسط

    مُساهمة من طرف fadi في الإثنين 07 يونيو 2010, 7:41 pm

    كلام رائع
    جميييييييييييل جدا من فتات بعمرك
    لانو انا من محبين الطبخ العربي القديم
    وخصوصي الاكلات القديمة
    ومع هيك لايخلو الامر من بعض الوجبات السريعة
    avatar
    دمع المطر
    عضو فعّال
    عضو فعّال

    انثى
    الدولة : سوريا
    عدد المشاركات : 62
    النقاط : 2855
    العمر : 28
    العمل/الترفيه : طالبة
    المزاج : كوول على طوول
    يشجع فريق : ألمانيا

    رد: أغذية البحر المتوسط

    مُساهمة من طرف دمع المطر في الثلاثاء 08 يونيو 2010, 9:44 pm

    مشكور فادي لمرورك عالموضوع وتعليقك انا حكيت من قهري انو حتى انواع طبخنا صارو يسروقها وينسبوها الهم ونحنا كاصحاب هالاكل المتوراث ولا حاسين على شي
    avatar
    Muhannad
    المدير العام
    المدير العام

    ذكر
    الدولة : سوريا
    عدد المشاركات : 2142
    النقاط : 5592
    العمل/الترفيه : MTN - Contact Center / الانترنيت
    المزاج : الإنسان هو الذي يصنع سعادته ...
    يشجع فريق : البرازيل

    رد: أغذية البحر المتوسط

    مُساهمة من طرف Muhannad في الأربعاء 09 يونيو 2010, 5:20 pm


    بالبداية حابب أشكرك جدّاً على الموضوع الحلو والمهم ...
    طبعاً الكلام اللي ذكرتيه لا غبار عليه بس بالفترة الأخيرة صرنا نلاحظ - وأنا شخصيا - أنو صار في مطاعم عم تقدم كل أنواع المأكولات وخاصة العربية ، ويمكن أهم وأشهر مطعم بدمشق هو مطعم "نارنج" عم يقدم كل المأكولات واللي عجبني أكتر أنو عم تتقدم بالطريقة الأصلية ، مثلا البرغل عم يقدموه بـ مقلي الفخار ...
    أما بالنسبة للوجبات السريعة فنحنا مضطرين أنو ناكلها بسبب ضيق وقت أغلب الأشخاص وخاصة اللي عم يشتغلوا وتحديداً بالقطاع الخاص ... يعني أنا مثلاً عندي استراحة ربع ساعة وما بلحق آكل شي غير سندويشة أووجبة سريعة ...
    برجع بشكرك مرة تانية صديقتي ... ويا ريت دائماً تتحفينا بهيك مواضيع مميزة ...
    دمتي بخير






    "Tell me and I'll forget; show me and I'll remember; involve me and I'll understand "
    avatar
    القاشوش manhl
    مشرف
    مشرف

    ذكر
    الدولة : سوريا
    عدد المشاركات : 1297
    النقاط : 4878
    العمر : 36
    العمل/الترفيه : الزراعة
    المزاج : عن جد ما بعرف
    يشجع فريق : البرازيل

    رد: أغذية البحر المتوسط

    مُساهمة من طرف القاشوش manhl في الأربعاء 09 يونيو 2010, 8:03 pm

    شكرا دموع المطر على الموضوع الحلو بدايتا لكن ما هو معروف عنا

    اننا نأخذ لامظاهر وكثيرا أيضا يعني انا اكلت بيتزا معناها انا مرفه

    اكلت برغر يا سلام اما اذا اكلت من عند ماك دونلدز هون الاكابرية


    والكل بقول انو يا اخي اسرع وما عندي وقت

    بس يا شباب عفوا يعني من شو بيشكي الفلافل -- او البطاطا --الشاورما وغيرن اكلت كتير .....وبالنهاية ممكن يكون موضوع الظاهر انتسى وصارت الشغلة عادة وكل واحد الو مراق باكلة

    بس عن نفسي اكلت البرغر مرة ما كملت ولا عدت الكرة بيتزا ما اكلت ولا حابب اكلوماك دونلدز ما عندي سقة باكلو....



    تواضع تكن كالنجم لاح لناظر ......على صفحات الماء وهو رفيع
    avatar
    دمع المطر
    عضو فعّال
    عضو فعّال

    انثى
    الدولة : سوريا
    عدد المشاركات : 62
    النقاط : 2855
    العمر : 28
    العمل/الترفيه : طالبة
    المزاج : كوول على طوول
    يشجع فريق : ألمانيا

    رد: أغذية البحر المتوسط

    مُساهمة من طرف دمع المطر في الأربعاء 09 يونيو 2010, 9:18 pm

    مهند حكيك صحيح الشغل بيفرض علينا انو نطلب وجبات سريعة بجامعتي بالمقصف كنت دايما مخيرة بين البيتزا والهمبرغر والشيش وبين البطاطا والمحمرة والزعتر والجبنة عالصاج ودايما كنت بميل لاختار المحمرة والبطاطا وهالحكايات مو لان متل ما قال منهل انو ما معي مصاريي بس لاني ما بضمن الشيش والهمبرغر شو نوعية اللحم فيه وكيف متبل بعدين كمان الفلافل طيبة ورخيصة وبنت عالم وناس منهل ههه على كل الوجبات السريعة حلوة كتنوع باكلنا مو كاساس للغدا اليومي بالجامعة او الشغل كلها دهون وشحوم وكولسترول وبعدين مكدونالد وبيتزا هات انا ضد اني اشتري من عندهم لسبب كتير بضحك انهم منتجات امريكية وعائدات هالمطاعم بتدعم قتل العرب وتانيا لازم ندعم اقتصادنا شباب واطيب شي برايي البيتزا اللي منعملا بالبيت عالاقل مضمونة ووقت منعملها بالبيت الكل بيجرب عضلاتو بنوعية البيتزا اللي عملها على كل مشكورين شباب لرأيكم
    avatar
    fadi
    المشرف العام - نائب المدير
    المشرف العام - نائب المدير

    ذكر
    الدولة : سوريا
    عدد المشاركات : 106
    النقاط : 3058
    العمر : 29
    العمل/الترفيه : تصوير

    رد: أغذية البحر المتوسط

    مُساهمة من طرف fadi في الخميس 10 يونيو 2010, 1:40 pm

    رح قول شغلة
    انو اسرائيل قالت انو الفلافل من صنعها واختراعها
    وهي اكلة عربية بحتة
    avatar
    دمع المطر
    عضو فعّال
    عضو فعّال

    انثى
    الدولة : سوريا
    عدد المشاركات : 62
    النقاط : 2855
    العمر : 28
    العمل/الترفيه : طالبة
    المزاج : كوول على طوول
    يشجع فريق : ألمانيا

    رد: أغذية البحر المتوسط

    مُساهمة من طرف دمع المطر في الخميس 10 يونيو 2010, 3:02 pm

    اسرائيل نسبت الفلافل والحمص الناعم ( المسبحة) والتبولة والبابا غنوج الها تقريبا كلشي مقبلاتنا واكلات ظريفة عنا للاسف وصار خلافات بينا وبينها وبالاخير طلع قانون حماية الاكلات الشرقية بس بعد شو اللي ضرب ضرب واللي هرب هرب وحاليا في مصنع اسرائيلي خاصة بتصنيع هالاصناف وعامل علامة تجارية خاصة فيه بيصدرها هالاكلات لاوروبا وامريكا عاساس منيج اسرائيلي واكلات من التراث عندهم لووول
    avatar
    Muhannad
    المدير العام
    المدير العام

    ذكر
    الدولة : سوريا
    عدد المشاركات : 2142
    النقاط : 5592
    العمل/الترفيه : MTN - Contact Center / الانترنيت
    المزاج : الإنسان هو الذي يصنع سعادته ...
    يشجع فريق : البرازيل

    رد: أغذية البحر المتوسط

    مُساهمة من طرف Muhannad في الخميس 10 يونيو 2010, 4:19 pm


    لك يا شباب الفلافل طيب كتير بس بينعس ... وأنا دوامي كان ليلي ... لذلك كنت أغلب الأحيان آكل بطاطا بس بالنهاية بتعفن معدتو الواحد من البطاطا لذلك بيضطر ينوّع ...





    "Tell me and I'll forget; show me and I'll remember; involve me and I'll understand "

      الوقت/التاريخ الآن هو الثلاثاء 21 نوفمبر 2017, 1:35 pm